Wakurdi wa Iraq wanasema wako tayari kujitenga na kuwa na taifa lao

Rais wa eneo la Kurdistan nchini Iraq amesema kuwa eneo hilo litachora mipaka ya taifa lao siku za baaadaye ikiwa Iraq haitakubali kura ya uhuru katika kura ya maoni ambayo inatarajiwa kufanyika baadaye mwezi huu.

Massoud Barzani aliambia BBC kuwa alitaka kuafikia makubaliano na serikali ikiwa wakurdi wanataka kujitenga.

• Marekani na Wakurdi wavamia ngome ya I-S Mjini Raqqa

Waziri mkuu wa Iraq amekataa kura ya maoni akisema kuwa ni kinyume na sheria.

Bwana Barzani pia ameonya kuwa wakurdi watapigana na kundi lolote ambalo litajaribu kubadilsiha hali huko Kirkuk kwa nguvu.

Haki miliki ya pichaREUTERS

Image captionWakurdi wa Iraq wanasema wako tayari kujitenga na kuwa na taifa lao

Vikosi vya Kurdi vya Peshmerga vimechukua udhibiti wa mji huo wenye utajiri wa mafuta ambao una waarabu wengi na sehemu zingine zinazodaiwa na Baghadad kwa zaidi ya miaka mitatu.

Wapiganaji wa kishia wanasema kuwa hawataruhusu mji wa kirkuk kuwa sehemu ya eneo huru la Kurdistan.

• Wakurdi 30,000 Ujerumani waandamana dhidi ya Erdogan

Wakurdi ndio jamii ya nne kwa ukubwa eneo la Mashariki ya Kati lakini bado hawajapa taifa.

Nchini Iraq ambapo wanachukua asilimia 15 hadi 20 ya watu milioni 37, wakurdi wamekumbwa na miongo kadha ya ukandamizaji wa serikali za kiarabu kabala ya kujietenga kufuatia vita vya Ghuba vya mwaka 1991.

Haki miliki ya pichaAFP

Image captionWakurdi wa Iraq wanasema wako tayari kujitenga na kuwa na taifa lao